大家好~

halo~係我呀~
今晚和迎希傾起,才意識到論壇最近少了一點女聲,好對唔住呀~亦感謝各方體諒我...

講起做義工,我有深刻體會~
小妹於去年,多次去一間弱智人士中心做義工、開小組,
記得第一次受托去開組時,心想死啦~~得唔得架?但抱住幫人既心,去就去啦~
當時係5月,受托開的小組關於母親節,
做了一切準備,資料搜集後,就戰戰兢兢踏上我既第一次~

去到中心,見到大約有20多人,他們也好開心我的到來,亦急著問,「姑娘,你叫咩名?」,「姑娘,我地今日整咩?」
我感到好開心,亦一一作答,並叫他們返埋位等等...
我就和中心其他同事分配材料,亦同他們玩一些關於母親節既問答題...當然係有禮物啦~
到左作手工時,他們既用心比起我們心智正常的平常人,有過之而無不及,
當中亦有人問我話「姑娘,我媽媽已唔響度,但我都會整,到拜佢時,可比佢睇;而我父親因要做埋母親果份照顧我亦好辛苦,我可唔可以整埋比佢?」
我聽到後,心頭好暖,當然亦答佢,「可以」

到完成後,他們用好真切既說話,多謝我的教導.....令佢地有禮物可比家人~~
但我既得著又何止這句多謝...
由知道要開組的一天開始既準備,到活動既開始到完結,令我知道責任既重要....到活動時,亦深深體會到歧視既可怕...
因佢地其實都有好多野做到架~負責任,對家人既感情,亦比我們有過之而無不及,為何要有歧視....點解唔好好了解,接受多d,明白多d呢?

好喇~這是我的第一次經驗,下次再續啦~