黃名帝國 - Powered by Discuz! Board

標題: 凸首會各黨派「傾政制」冇料到 [打印本頁]

作者: 義律 時間: 2009-11-7 11:38 標題: 凸首會各黨派「傾政制」冇料到

　　尋日，我地凸首權權會見左各個黨派既立會議員，諗住傾下政制。不過一早就預左冇乜結論，了無新意，純粹係為左政治化妝，「聽下民意」咁話。泛民不嬲都講緊２０１２雙普選，但係大家都應該知道，阿爺已經落左「人大常委決定」，普選？冇得傾。凸首身邊的臣子，阿林公公林Ｄ９都成日話啦∼唔好再講２０１２雙普選∼因為中央已經決定左冇得普選∼不如講下ｄ建設性既野呢？？

　　保皇黨「文見聯」又繼續講小圈子，話要各加５個議席係直選組別同功能組別∼而且果５個功能組別既議席由各個民選區議員互選喎∼即係間接民意！保皇黨民主思想上又進一步！勁！！民主黨獨立議員等都狂剷話果５席都會送晒俾文見聯∼但係自由黨打死都唔肯冇埋果幾個委任區議員議席，話一定反對民選同委任區議員階段唔同，講真，你地都冇乜勢力啦∼反對黎都冇乜用咖∼

　　民主黨派今次講黎講去又係果幾句，都冇乜結論，批評佢又唔係，讚佢又唔係∼凸首權權會完黨派講政制之後，想挽回民望，睇怕都幾難！評分一跌再跌∼恐怕凸區政府未來施政會愈難喇．．．飛哥都講咯∼唔處理好政制，民望會再跌∼

作者: yinghey 時間: 2009-11-7 15:29

泛民主派本身自己都冇共識想點∼前排嘅五區總辭已經衰左∼仲邊有牙力同人講２０１２？
總之∼阿爺已經鐵定２０１７∼根本就動搖不了∼
除非香港係個國家∼否則∼政制好難會有太多自由自主嘅機會

作者: 義律 時間: 2009-11-7 15:35

泛民主派本身自己都冇共識想點∼前排嘅五區總辭已經衰左∼仲邊有牙力同人講２０１２？
總之∼阿爺已 ...
yinghey 發表於 2009-11-7 15:29

唯有跟隨阿爺的聖旨辦事∼無計∼只要一日有香港人出賣自己人（諸如保皇黨）∼香港想民主都幾難∼

作者: yinghey 時間: 2009-11-7 15:43

呢個就係功能組別最可怕嘅地方∼其實對我地ｄ小市民黎講∼
功能組別真係冇乜代表性∼有ｄ議員真係十來二十票都可以當選∼
我記得去年時就有過類似的經歷∼社福界嘅候選人親自落ＮＧＯｓ拉票∼
但我感覺好差∼因為個位候選人∼當我一開門俾佢∼佢就已經話「你地有幾多個社工架？」入到去仲要好唔客氣咁要搵ｄ社工握手∼搞到好似我唔係人咁．．．

作者: 義律 時間: 2009-11-7 15:45

呢個就係功能組別最可怕嘅地方∼其實對我地ｄ小市民黎講∼
功能組別真係冇乜代表性∼有ｄ議員真係十 ...
yinghey 發表於 2009-11-7 15:43

想起彭定康新九組∼報左職業就有多一票∼

歡迎光臨黃名帝國 (http://localhost/2009/)